Монгол улс дугуйн спортын дэлхийн аваргатай боллоо!
Монгол улс дугуйн спортын дэлхийн аваргатай боллоо. Щвейцарь улсад зохиогдсон Дугуйн тойрог замын залуучуудын дэлхийн аварга шалгаруулах тэмцээнээс манай улсын тамирчин Б.Тэгшбаяр залуучуудын дэлхийн аварга боллоо.
Монголын дугуйн спорт нь 60 жилийн түүхтэй ууган спортын нэг бөгөөд амжилтаараа эхний топ 6 төрөлд багтаж байв.
Монголын Дугуйн Холбоо анх хот, хөдөөгийн 33 товчоод бүлгэмүүдийг нэгтгэн 1959 оны 08 дугаар сарын 25-нд албан ёсоор байгуулагджээ.
БНМАУ-ын дугуйчдын Анхны Улсын аварга шалгаруулах тэмцээн 1955 оны 06 дугаар сарын 12-оос 14-ны хооронд Баруун туруун – Баянчандманий замд зохиогдож 10 байгууллагын 103 дугуйчин оролцож байжээ.
Улмаар 1960 оны 07 дугаар сарын 27-нд Олон Улсын Дугуйн Холбоонд гишүүнээр элсэн Олон улсын бүхий л арга хэмжээнүүдэд оролцох эрхтэй болжээ.
Монголын Дугуйн Холбооны анхны Ерөнхийлөгчөөр БНМАУ-ын Сайд нарын Зөвлөлийн орлогч дарга бөгөөд Төлөвлөгөөний комиссын дарга Д.Майдар сонгогдсон байв.
Мөн Монголын Дугуйн Холбооны анхны Ерөнхий нарийн бичгийн даргаар Монголын дугуйн спортыг үндэслэгч, спортын гавъяат багш Ц.Даржаа ажиллаж байжээ.
МДХ-г үүсгэн байгуулагч Гавъяат багш, дасгалжуулагч Цэвэгийн Даржаа /1929-2019/
Монголын дугуйчид болон анхны топ хэдхэн төрлүүд анх 1964 оны Токиогийн олимпод оролцжээ. Манай баг тамирчид мэргэжлийн дугуйчидтай мөр зэрэгцэн уралдаж багийн тэмцээнд 23-р байр, бөөн гараат тэмцээнд Спортын мастер Л.Буудай 46-р байранд тус тус оржээ.
Манай дугуйчид 1964 оны Токио, 1980 оны Москва, 1992 оны Барселона, 1996 оны Атлантагийн олимпод тус тус оролцож байв.
Мөн 1974 оны Иран, 1982 оны Дели, 1990 оны Бээжингийн Азийн наадмуудаас мөнгө, хүрэл медалиудыг авч байснаас 1990 оны Бээжингийн наадмаас мөнгө, хүрэл 2 медаль хүртсэн Монголын спортын анхны төрлөөр шалгарч байжээ.
1974 оны Ираны Азийн наадмын багийн 100км-ын Хүрэл медальтангууд буюу Монголын АНХНЫ Азийн наадмын шагналтангууд. Дээд эгнээнд: зүүн гараас с/м Жамъяан, ОУХМ Ш.Ёндондаш. Доод эгнээнд: зүүн гараас с/м Төртогтох, ОУХМ Ш.Жамбал нар.
1982 оны Делигийн Азийн наадмын бөөн гараат 180км-ын Мөнгөн медальт буюу Азийн наадмын Монголын АНХНЫ бөөн гараат тэмцээний шагналтан ОУХМ Ц.Ганболд. Мөн Социалист орнуудын хамгийн том нэр хүндтэй тэмцээн болох Энхтайваны олон өдрийн тэмцээний хошой хүрэл медальт
1990 оны Бээжингийн Азийн наадмын багийн 100 км-ын Мөнгөн Медальтангууд. Зүүн гараас: ОУХМ Д.Мөнхбат, ОУХМ Д.Төмөр-Очир, ОУХМ Д.Жаргалсайхан, ОУХМ Б.Хаянхярваа нар.
Монголын эмэгтэй дугуйчдын амжилт болон хичээллэгсдийн тоо сүүлийн жилүүдэд эрс өсөн нэмэгдэж байгаа нь манай “Хүч” БТСХорооны тамирчин ОУХМ Т.Энхжаргал нь Монголын эмэгтэйчүүдийн дугуйн түүхэнд анхны Азийн аваргын Алтан медалийг 2013 оны Делигийн Азийн АШТ-ээс авсан явдал юм.
1990 оны Бээжингийн Азийн наадмын багийн 100 км-ын Мөнгөн Медальтангууд. Зүүн гараас: ОУХМ Д.Мөнхбат, ОУХМ Д.Төмөр-Очир, ОУХМ Д.Жаргалсайхан, ОУХМ Б.Хаянхярваа нар.
Монголын эмэгтэй дугуйчдын амжилт болон хичээллэгсдийн тоо сүүлийн жилүүдэд эрс өсөн нэмэгдэж байгаа нь манай “Хүч” БТСХорооны тамирчин ОУХМ Т.Энхжаргал нь Монголын эмэгтэйчүүдийн дугуйн түүхэнд анхны Азийн аваргын Алтан медалийг 2013 оны Делигийн Азийн АШТ-ээс авсан явдал юм.
“Track Mongolia” төслийн хүрээнд бэлтгэгдэж буй манай шилдэг залуу тамирчин ОУХМ Б.Тэгшбаяр нь 2016 онд Щвейцарь улсад зохиогдсон Залуучуудын /Junior/ ханан тойргийн Дэлхийн АШТ-ний аварга болж Монголын дугуйн спортын түүхэн дэх АНХНЫ Залуучуудын Дэлхийн аварга болж шинэ хуудсыг нээв.
2018 оны Track дугуйн Азийн АШТ-ний Хүрэл медальт
2019 оны Track дугуйн Азийн АШТ-ний Мөнгөн медальт
Монголын дугуйн түүхэн дэхь АНХНЫ Залуучуудын /Under-23/ Азийн аваргын бөөн гараат төрөлд Хүрэл медалийг “Алдар” БТСХ-ны тамирчин ОУХМ С.Жамбалжамц 2018 оны 2 сард МИАНМАР улсад зохиогдсон Азийн АШТ-ээс хүртэв.
Монголын Дугуйн Холбооны Гавъяатнууд
Монголын Дугуйн Холбоог үндэслэн байгуулагч, анхны Олон улсын тэмцээн болох БНМАУ – БНХАУ-ын уулзалт тэмцээний хошой аварга “Нисдэг” хэмээх Спортын гавъяат багш Ц.Даржаа.
Төв аймгийн дугуйн спортын амжилт түүхийг үндэслэгч Гавъяат дасгалжуулагч Ц.Чанцал.
Монголын дугуйн спортыг зах зээлийн хүнд үед амжилтаараа хамгаалан авч явсан гавъяат тамирчин Ж.Өлзий-Орших нар болой.
МДХ-ны өнөөгийн Удирдлага ба зохион байгуулалт
Монголын Дугуйн Холбоо нь 2021 оны 07 сард Ээлжит Их хурлаараа зохион байгуулалтын эрс өөрчлөлтийг хийж:
Ерөнхийлөгчөөр: “Моло” ХК-ны Ерөнхий захирал Н.Болдхүү
ЕНБ-ийн даргаар: ОУХМ З.Наран
Дасгалжуулагчдын зөвлөлийн даргаар: Гавъяат дасгалжуулагч Ц.Чанцал
Шүүгчдийн зөвлөлийн даргаар: ОУХМ Ш.Жамбал
Ахмадын зөвлөлийн даргаар: Ахмад тамирчин Моломжамц нарыг сонгожээ.
2021 оны байдлаар Монголын Дугуйн Холбоонд бүртгэлтэй 49 байгууллага, баг, клубүүд үйл ажиллагаагаа явуулж, уралдаан тэмцээнүүдэд идэвхтэй оролцож байна.
