The Hu хамтлагийн Америк фенүүд хайртай хамтлагийнхаа төлөө Монгол хэл сурчээ
Тордойн Ганболдын хэтийдсэн хагас нүцгэн сурталчилгаа
Монголчууд бидний бахархал болсон Хүннү рок урсгалыг үндэслэгч The Hu хамтлаг энэ сард (2021.09.) Хойд Америкаар аялан тоглолтоо хийхээр АНУ-г зорьжээ. Тэд Хойд Америк болон Канад улсын нийт 32 муж, хотоор аялан тоглох төлөвлөгөөтэй бөгөөд тоглолт өнгөрсөн жил болох байсан ч цар тахлын улмаас хойшлогдоод байсан юм.
Зогсонги байдалд ороод байсан дэлхийн Рок хөгжмийн урсгалд Монголын үндэсний урлаг, морин хуур, хөөмийн шинэ урсгалыг тусган, цоо шинэ өнгө төрх нэмсэнийхээ төлөө тэд дэлхий дахины Рок сонирхогчдын талархлыг хүлээж, Billboard-ийг хүртэл доргиогоод амжсан.Үүнийхээ дараа тэд Европ, Америкийн хэд хэдэн хот, мужид амьд хөгжмийн тоглолтоо хийсэн юм.
Тэгвэл энэ удаад Америкид дахин очиход нь Америк фенүүдийн зүгээс “Welcome back” буюу “Буцаад тавтай морил” хэмээн монголоор бичиж, тэднийг угтан авчээ. Агуу баялаг түүхтэй ч, өдгөө “Чингисийн” гэж хэлэхээс нааш хэн ч таньдаггүй Азийн жижиг улсыг Америк, Европт дахин таниулж, бүр тэднийг Монгол хэл бага ч болов сурахад хүргэсэн The Hu хамтлагаар үнэхээр бахархахгүй байхын аргагүй билээ.
“Тэнгэрийн ташуур” хэмээн нэрлэгддэг Хүннү гүрний их хаан Аттила НТ 400-аад оны үед Европ дахиныг байлдан дагуулж байсан бол өдгөө Хүннү Рок урсгалыг үндэслэгч The Hu хамтлаг сэлэм, мориор биш соёл урлагаар Европ, Америкийг байлдан дагуулж байна. Түүх давтагддаг.
