Эмэгтэйчүүдийн хоpих ангиас далавчгүй хаяглав
мэдээ

Эмэгтэйчүүдийн хоpих ангиас далавчгүй хаяглав

Сайн байцгаануу. Энэ захиа хүрэх мөчийн, бас далавчгүй сахиусан тэнгэрүүд группт нийтлэгдэх өдрийн мэнд хүргэе. Эмэгтэйчүүдийн хаа лтт ай ба нэ элт тэй 407-р хо ри х ангиас та бүхэндээ мэндчилж байна.

Хавар иржээ. Миний хамгийн дуртай улирал гэхдээ зөвхөн эрх чөлөөгөө хасу улс ан мянган мянган эмэгтэйчүүдтэй адилхан хашааны цаана, хананы наанаас л хаврыг мэдрэх боломжтой. Би тэ нэ г бөгөөд а йд саа ардаа нуусан гэнэн нэгэн байжээ.

Багаасаа дүү нараа тэжээж, ажил хийж, бүхнийг бий болгохын төлөө хүнээс гуйлгүй хичээж зүтгэж явсаар ирсэн. Ээжээс минь хойш 4 хүүхдээ хүн шиг авч явах гэж хичээж, а рх и уухгүй ажил хийхийг сонгосон хөгшин аавдаа нэмэр болох гэж сургуулиа орхисон. Аав маань хаягдал лааз, сав цуглуулж өөрөөсөө 4 5 дахин том болтол нь бөндийтөл нь үүрээд арай гэж гэлдрэн тушаах газраа хүрдэг байлаа.

Та нар төсөөлж үзсэн үү. Ааваас маань үргэлж муухай үнэр үнэртдэг байв. Тийм юм үүрээд цуглуулаад өдөржин алхаад, орц пүнкер дамжин явж орой ирдэг хүнээс яаж сайхан үнэр үнэртэх билээ. Би бол аавыг ядаж тэгээд явж байгаад сэтгэл амар байсан. Учир нь аав маань өдөр судраа ч мэдэхээ больтлор а рх и уудаг хүн байсан юм. Нүд нь жартайж, зовхи нь минчийтлээ дарвайж ха вдс ан, нүүр нь үзэшгүй харлаж уруул нь хатаж арьс нь дээр дээрээсээ овоолоод тавьсан юм шиг хууларч бөөгнөрсөн төрхтэй олон жил явсан. Ээж маань л дөрвөн мөчөө тэнийтэл шал шүүрлэж шал арчиж олсон мөнгөөрөө гэр бүлээ тэжээдэг байсан. Муу ээж минь өнгөрсөн тэр өвлөөс хойш аав а рх и уухаа больсон. Гэнэт л эмчилгээнд явсан мэт шийдчихсэн.

Баян цатгалан байгаагүй ч, ар хигү й айл оройдоо ямар дулаахан гээч. 4 ханат минь инээд хөгжөөн дүүрэн , заримдаа тогоо тасдуулчаад лааны бүдэг гэрэлд дүү нартаа аймшгийн юм ярьж өгөн лааны гэрэлд хуруу гараараа амьтан хийж таалгаж хурхираад унтаж байгаа аавынхаа дэргэд айдасгүй 4 жаал хаалгаа ч түгжилгүй унтаж орхидог байж билээ. Нэг орой миний доод талын дүү сургууль дээрээ аавтай таарчихжээ. Аав хөөрхий тэр хавиар шуудайгаа үүрээд лааз сав гэж яваад таарч. Өө миний охин гээд гараа сарвайх аядахад нь дүү нүүр буруулаад зугтааж. Аавч хойноос нь үглээд хоцорч.

Найзаасаа л ичсэн юм шиг билээ. Орой нь дүү аавыг орж ирэхэд та яагаад толинд ч хардаггүй юм бэ, танаас илжирсэн үнэр үнэртдэг гэж хэлээд аавыг хэлэх үггүй болгов. Аав хашааны гадаа суучихсан оройжин та мх и татаж ганцаараа суусан. Их л юм бодсон байхдаа хөөрхий. Би дүүгээ зо до од, зо до од ч гэж дээ номоор нь баахан цо хи ж аавыг байхгүйд нөгөө гуравтаа баахан үглэсэн. Маргааш нь аав орой ирэхдээ зах дээр гадаа нтр зарагддаг, нээх хурц үнэртэй хямдхан үнэртэй ус авчихсан одооноос үнэртэй ус түрхнээ гэчихсэн орж ирсэн хөөрхий. Нөгөөх нь ягаан шилтэй, учиргүй гоё хүүхний зурагтай ус байсан санагддаг.

Би аавдаа ажил олж өгхөөр шийдсэн дээ. Хамгийн бага дүүгээ дагуулаад бараг л бүх хашаа хатгасан барилгын компани бүр дээр очиж ажлын ярилцлага өгч байгаам шиг амьдралаа эхнээс нь ярьж явсаар нэг газар олов. Манаач ажилд авах шаардлагатай гэлээ. Аавдаа шууд л хэлээд маргааш нь халуун усанд очиж очерлож ороод аавыгаа гоёх аядаад үс зүсийг нь засуулаад дагуулаад очсон. Өнөөх усаа бас орхоосоо өмнө түрхээд орсон миний аав. Ингээд ааваас маань дахин муухай үнэр үнэртээгүй ээ. Би тэр үед 22 нас хүрч байлаа. Аав бид хоёр элбээд доод талын дүүг маань их сургуульд оруулж төлбөрийг нь хийж санаа амрав. Нэг нь ч гэсэн мэргэжилтэй болог гэж бодсон.

Би бол яахав дээ аав а рх и уудаг байх үеээс л өөрийгөө хаясан ажил голохгүй. Оёдлын цех, махны шулаа, бүр барилга дээрч ажилж үзсэн. Аав суурин ажилтай болсоноос хойш манайд сар бүр нэг юм нэмэгддэг байлаа. Эхний сар хулдаасаа солив, дараа нь хоолны шүүгээ зүүн урд буланд цэмцийх болов дараа нь харин аав маань ортой болов. Сайхан л юм билээ. Ээж маань энэ үеийг л харсан бол гэж боддог юм билээ. Би тэр үед шулаан дээр зогсдог байлаа. Мах эвдэх шулахдаа ааваасаа ч илүү болсон байв. Мөнгө ч сайн олдог байсан. Үүрээр 4 цагт очоод л өдөр 2 цаг хүртэл шулаа хийгээд 100 мянган төгрөгтэй гэртээ харьж гэрээ галлачаад бага дүүгээ очиж авна.

Орой нь машин угаалгийн газар угаагч хийж явсаар хэдэн жил болсон. Аав маань компани даа үнэлэгдэж байгууллагын тэргүүний ажилтан боллоо. 2014 он гэхэд манайх хашаандаа хөөрхөн муурын байшин шиг тоосгон байшин барьчихсан, дүү 3-р күрс сайн ч оюутан, аав тэргүүний ажилтан гээд л нэг үеээ бодоход сайхан болж байсан. Харин тэр үед миний уруудах ээлж ирсэн бололтой. Би тэр үед бөмбөгөр дээр лангуу түрээсэлж суудаг болсон байлаа. Сайн ажиллаад аавдаа excel гэдэг машин авч өгнөө гээд л төлөвлөчихсөн. Харьж яваад тэрэнтэй танилцсан юм.

Суучих хүргээд өгье гэсэн хулгар чихтэй нүдээрээ инээсэн залуу. Хэзээч хүнд дурлаж хайрлаж үерхэж яваагүй би гэнэт л нисч эхэлвээ. Орой бүр ирж аваад хүргэж өгнө ажил дээр бараа авахад үүрч дүүрээд ер нь халамжинд нь уяраад би бүрэн сох ор сон байв. Гэрт нь ч очдог боллоо цэмцийсэн сайхан 2 өрөө байртай ганцаараа байдаг тусч сайхан сэтгэлтэй залуу. Бид хоёр үерхэж найзлаад 2 жил боллоо. Гэхдээ нэг л зүйл байв. 2 жилийн хугацаанд гэр бүлийнхэнээ нэгч харуулсангүй. Бас өөрийнхөө мөнгийг өөртөөл зарцуулдаг. Гэхдээ а рх и бүү хэл та мх и ч татдаггүй. Сүүлдээ би яахаа ч мэдэхгүй халамжтай ажилсаг гээд гүрийхүү гэр бүлээ нууцалдаг, олсон мөнгөө өөртөө л зарцуулдаг гээд салах уу дээрээ удаан явсан.

Аав маань 2 дүүтэй хойноо би найз залуутайгаа, доод талын дүү бас найз залуугийндаа амьдарч байв. Байраа зараад хамтдаа солонгос явья чи ирээдүйд аавыгаа манаач хийлгэж амьдруулахгүй биздээ, аав чинь хөгширнө, байр авч өгөх хэрэгтэй ш дээ хамтдаа ядаж 3 жил ажиллаад ирье гэх болов. Миний байр биш дээ чи өөрөө мэддээ гэхдээ ээж аавтай чинь танилцмаар байна аав ч асуух юм гэхэд удахгүй бэр гуйна гэсээн чамайг тэгэхэд л нэг гэр бүл болцгооно доо гэж намайг аргалсан юм. Байраа зарах хүнээ олчихлоо маргааш очоод нотариат орчих гээд нэг орой хэлэв. Би ч гэж би. Хүний байр зарах гээд очиж байдаг.

Гэрээ хийсэн нотариат дээр гарын үсгээ зурсан тиймээ тэгээд л болоо. Тэр байр шал танихгүй хүний байр болж таарсан. Эзэн нь америкат байдаг байжээ. Найз залуу гэх хүн маань түрээсэлж суудаг байраа зарсан байж дээ. Би зарсан би мөнгө авсан. Мөнгийг нь авчихаад үнэнчээр гүйж очиж өөрт нь өгч билээ. Байр зарагдсаны дараа бид хоёр 3 хоног зочид буудалд байгаад манайхруу нүүе гэж тохирсон байв.

Дөрөв дэхь хоног дээрээ тэр хүн ор сураггүй алга болсон. Хайгаад очёоо хамаатан садан ээж аавыг нь мэдэхгүй би хаанаас хайх билээ. Намайг хаячихлаа гэж хэсэг у йл ж унжиж явав. Үгүй ээ намайг хаяагүй юм билээ. Угаасаа намайг сонгоочгүй юм билээ. Намайг хаях биш зал и лсан юм билээ. Ингээд би шү үх ийн танхимд аавыгаа мөл х үүлж уй луу лаад, дүү нараа орилуулаад бусдын байр орон сууц зал илс ан, шам шигд уулсан гэ м т хэр эг тэн болоод энд ирсэн.

Ингээд л анх удаа хүнд хайртай болж, хамаг бүхнээ зориулаад эцэст нь гэ м т хэ рэ гтэн болж шо рон гийн хаалга татсан. Сайн ажиллаж хоногоо хасуулж хурдан л аав дээрээ очьё гэж гүрийсэн дээ. Ү х мээр л санагддаг юм билээ. 26 27 хүрчээд жаахан охин шиг эр хүнд итгэж буцах хаяггүй хүн дагаж явсаны минь шагнал юм даа. Гэхдээ удахгүй ээ 2022 оны 6 сард сул ла гдах байсан ч хасагдсан хоногоо тооцоод 2021 онд эрх чөлөөтэй болж аав дүү нар дээрээ очно. Бас бий нагац эгч болсон. Дүү маань ээж болсон. Хурдан л тэд нараа тэврээд төрсөн гэртээ аавынхаа үнэрийг үнэртээд аагтай цайгаа уухсан даа.

2021 05 03 бичиж байсан захидал түүхээ хураангуйлаад, заримыг нь хасаж арай богино болгоод одоо л явуулж байна. Эрх чөлөөт иргэн болсон хойноо. Би одоо алдах эрхгүй бас тэр хүнийг заавал олж өөрийнхөө алдсан цаг хугацааг нөхүүлнэ. Тө лб өрт бара гду улсан өөрийнхөө цуглуулж байсан лангууны орлого аавынхаа цалингийн зээл, хашаа байшингаа зарсан бүх мөнгөө тэр хүнээс авдаггүй юмаа гэхэд хариуцлагийг нь үүрүүлнэ.

Эсэн мэнд охиныгоо хүлээгээд, хүйтэн сэрүүнийг үл тоож цалингүй хэрнээ үнэнчээр ажлаа хийж ко ви д хүртэл тусаад эдгэсэн охиндоо эрүүл харагдах гэж хичээж биеэ сайн бодсон аавдаа баярлалаа.
Охин нь одоо хичээнээ. Таныгаа заавал жаргаана. Машин авч өгөх ч худлаа болждээ аавын минь нүд машин барих хэмжээний биш болсон. За гэхдээ яах вэ би аавыгаа өргөж явнаа. Охин чинь одоо л жинхнээсээ амьдрарч үзэх гэж байна. Тандаа хайртай таны том охин Ш 2021 12 09

Related Articles

Back to top button