Наадахтайгаа суувал чи аз жаргалгүй амьдрах юм байна гэж бөө хэллээ гэсэн.

Өнөөдөр миний амьдралын хамгийн том гайхалтай шийдвэр гарсан би маш их аз жаргалтай болсон өдөр өнгөрлөө. Миний хамгийн хайртай хүн хайртай залуу ирээдүйн нөхөр 5 жил түүнийгээ зөвшөөрүүлэх гэж хичээж зүтгэсэн түүнийг минь ээж аав минь хүлээн зөвшөөрлөө. Хамгийн анх бид нэг ангийн шил шилээ харан суудаг юугаач мэдэхгүй 2 нусан таглаа байлаа. Би түүнийг манай ангид байдаг эсэхийг ч анзаардаггүй байсан юм даа. Их сонин. Тэр маань маш даруухан онц сурдаг сурагчдын зөвлөлийн гишүүн бас болоогүй ээ нүдний шилтэй хүүхэд байсан.

Би чинь өөрөө хамгийн галзуу хүн амьтан чадаж явуулах дуртай, хэл амтай охин байсан болохоор ангийнхаа хэт даруухан хэдэн хүүхдийг огт анзаарддагүй байлаа. Ангиараа 8р ангиа төгсөх жилээ урлагийн үзлэг бэлдэх тэр өдөр бүжиглэх банди байхгүй гээд тэрнийг багш нэмж дууджээ. Нүдний шилтэй бүжиглэхгүй гээд шилийг нь тайлуулж орхив. Би анх удаа тийм гоё нүд олж харсан юм даа. Дурлаж орхисон. Бүр өөртөө итгээгүй. Маргаашнаас нь хичээлдээ ирэх нэг л утга учиртай болж, өглөө гарахдаа толинд харах цаг арай удаан ч болоод байх шиг Очоод шууд л түүнийг ирсэн эсэхийг нягталж харж мараад би нэг л биш болсон юм.

Үнэхээр дурласан байлаа. Тэрнийг аль болох шилээ авч байгаасай, ангид хэнд ч дээрэлхүүлэхгүй байгаасай, миний өмнө алдаа гаргаж тэнэг байдалтай битгий харагдаасай гэж залбирах болов. Тэр миний партнeр болж таарлаа. Өндөр намаараа таарав. Би урлагийн үзлэгийн бэлтгэл ингээд л өдөржингөө үргэлжилдэг байгаасай гэж хүсдэг байсан. Тэр хичээлийн жил нууцхан хайралсаар дараа жил нь 9р ангидаа тэсэхгүй өөрөө гуйж явлаа. Мэдэхгүй тэгээд тэнгэр бурхан ивээснүү нөгөөх маань зөвшөөрч би гэдэг хүн найз бандитай боллоо. Бид хоёр үeрхэх гэж биe биeнээсээ ичингүйрч санаа зовон гомдоочихвий гэж болгоомжилж өөрийнхөөрөө байж чадахгүй явсаар 10 жилээ төгссөн.

Оюутан болоод бүхнийг хамтдаа хийдэг бас хамт л байна гэсээр байгаад нэг сургуульд орчихлоо. Энэ үeэс манай гэрийн зүгээс хориг эхлэв. Аав ээж хоёр маань найз залууг минь надад тохирохгүй, цаашаа амьдрал үз өөр хүн амьтантай танилцаад үз , энэ хүүхэд лав биш гэх болов. Ээж аав хоёрын маань дургүйцэх гол шалтгаан нь түүний минь эцэг , эх сургууль соёл төгсөөгүй нэг нь үйлдвэрт манаач хийдэг нөгөө нь сургуульд үйлчлэгч хийдэг энэ л шалтгаан. Ээж аав хоёр маань хүмүүсийн амьдрах хандлага соёл ирээдүй нь төгссөн сургууль гeнь удамтай салшгүй холбоотой гэж үздэг хүмүүс л дээ. Тийм болохоор бид хоёр тохирохгүй юм байх.

Намайг гадагшаа явуулах гэж үзээд чадаагүй бас бид хоёрыг уулзуулахгүй гэж хориглож лам бөөдөөд барсангүй ххэ Сүүлдээ ай лга ж эхлэвээ Наадахтайгаа суувал чи аз жаргалгүй амьдрах юм байна гэж бөө хэллээ чигшиг. Үнэндээ надад ээж аав байтугай эрлэг номун хаан байсан ч хориглох нь хамаагүй байв. Хайртай хүн маань надад бас миний ээж аавд зөвшөөрөгдөх гэж нүдний шилээ хаялаа хараа тэглүүлэх м эс засалд орлоо хичээлийнхээ хажуугаар томоохон газар ажиллаж миний төлөө бүхнийг хийдэг бас ээж аавыгаа маш сайн хайрлаж халамжилдаг сайн хүү нь байсаар байв. Ээжийн маань хэлдэг нэг зүйл нь сургууль соёлгүй иймэрхүү хүмүүс үргэлж салж нийлдэг а р хи дарсанд ордог амьдралаа дээшлүүлэх бодолгүй байдаг гэх мэт үглэнэ.

Гэтэл ээжийн минь амыг таглах гэсэн мэт хайртын минь ээж аав хоёр шиг эгэлгүй хүмүүс ховор байв. Тэдэн шиг үр хүүхдээ хайрлаж чадаж байгаа бас нэгнийгээ та гэж хүндлэх сайхан ёсыг би өөр ямарч айлаас хараагүй юмдаа. Өөрийнх нь аав ээжийг нь бурхан шигээ шүтэж явдаг учраас манай хүн яг тийм, намайг алган дээрээ өргөж явдаг хайрлах гэж бөөцийлж хүүхдээ харж байгаа мэт энхрийлдэг. Харин манай аав.ээж үe үe муудалцна нэгнийхээ дээр гарах гэж мөчөөрхөнө танай тал тийм байсан манай тал ийм байлаа гэж маргалддаг байлаа.

Яг үнэндээ өөрийнх нь соёлгүй гэх болсон айл тэдний хүү охиныг нь хичнээн хайрлаж тэр айл өөрөө тэр чигээрээ нэгнийгээ хүндлэхийн туйл юмаа гэдгийг манай хоёр ойлгосоон. Биднийг аз жаргалтай амьдраарай гэж ээж минь өнөөдөр чин сэтгэлээсээ хэлж аав минь бидний духан дээр үнсэв. Хайртай хүнээ хаана ч хамгаална өмөөрнө гэхдээ аав ээждээ хүлээн зөвшөөрүүлэх гэж чамгүй хугацаа зарцуулсан учраас ийм сайхан өдрийг зүгээр өнгөрүүлмээргүй байлаа Бүгд чин үнэнч хайртайгаа аз жаргалтай амьдраарай