Хайран сайхан хоёр залуугаа алдлаа

ЭМГЭНЭЛ
НАЙРАМДАЛЫН ЭРХЭМБАЯР
/1988-2022 он/
Цагдаагийн дэслэгч Найрамдалын Эрхэмбаяр нь 2022 оны 08 дугаар сарын 02-ны өдөр зуурдаар таалал төгсөж бид бүхэнд нөхөж баршгүй хүнд гарз тохиолоо. Цагдаагийн дэслэгч Найрамдалын Эрхэмбаяр нь 1988 онд Улаанбаатар хотод төрсөн.1996-2006 онд Хөвсгөл аймгийн Мөрөн сумын “Ирээдүй цогцолбор” сургуулийг төгсөж,
-2006 онд Цагдаагийн академийн Цагдаа дамжаа
-2006-2012 онд Сонгинохайрхан дүүргийн цагдаагийн 1 дүгээр хэлтэст жижүүрийн цагдаагаар томилогдон ажил хөдөлмөрийн гараагаа эхэлсэн.
-2012-2015 онд мөн дүүрэгт хэв журмын цагдаа
-2015-2017 онд мөн дүүрэгт хороо хариуцсан цагдаагаар ажиллаж байх хугацаандаа 2010-2015 онд Хууль сахиулахын их сургуульд суралцаж “Цагдаагийн ажил- эрх зүйч” мэргэжлээр төгсөж дээд боловсрол эзэмшсэн байна. Улмаар 2017-2018 онд Хөвсгөл аймаг дахь Цагдаагийн газарт эргүүлийн цагдаа,
2018 оны 02 дугаар сарын 27-ны өдөр Тосонцэнгэл сум дахь хэсгийн төлөөлөгчөөр томилогдон, цагдаагийн дэслэгч цол олгогдож, 2021 оны 11 дүгээр сараас одоог хүртэл Чандмань-Өндөр сум дахь хэсгийн төлөөлөгчөөр ажиллаж байсан.
Түүний гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах үндсэн чиг үүргээ нэр төртэй биелүүлснийг төр засгаас өндрөөр үнэлж
-2013 онд Нийслэлийн цагдаагийн газрын “Баярын бичиг”
-2017 онд Цагдаагийн ерөнхий газрын “Албаны төлөө-3” медаль
-2021 онд Цагдаагийн ерөнхий газрын “Албаны төлөө-2” медалиар
-2008 онд Цагдаагийн ерөнхий газрын “Хүндэт жуух”
-2011 онд Хууль зүй, дотоод хэргийн яамны “Хүндэт жуух бичиг”
-2013 онд Цагдаагийн ерөнхий газрын “Цагдаагийн гавьяа” тэмдэг
-2020 онд тус цагдаагийн газрын “Хөдөлмөрийн аварга” алба хаагч
-2020 онд Хууль зүй, дотоод хэргийн яамны “Цагдаагийн алдар” хүндэт тэмдгээр шагнаж урамшуулжээ.
Түүний шударга, хөдөлмөрч, хүнлэг сайхан зан чанарууд байгууллага хамт олон, мөр зэрэгцэн ажиллаж байсан журмын нөхөд бидний сэтгэл зүрхэнд үүрд дурсагдан үлдэх болно.
Талийгаачийн аав ээж, хань, үр хүүхэд, төрөл төрөгсөд, анд нөхдөд нь гүн эмгэнэл илэрхийлье.
ЭМГЭНЭЛ
ЛХАГВАДОРЖИЙН ТОД-ЭРДЭНЭ
/1990-2022 он/
Цагдаагийн дэслэгч Лхагвадоржийн Тод-Эрдэнэ нь 2022 оны 08 дугаар сарын 02-ны өдөр зуурдаар таалал төгсөж бид бүхэнд нөхөж баршгүй хүнд гарз тохиолоо. Цагдаагийн дэслэгч Лхагвадоржийн Тод-Эрдэнэ нь 1990 онд Хөвсгөл аймгийн Мөрөн суманд төрсөн. 1998-2008 онд Мөрөн сумын “Дэлгэр мөрөн цогцолбор” сургуулийг төгсөж
-2008-2012 онд Засагт хан дээд сургууль “Төрийн удирдлагын менежер”
-2013 онд Цагдаагийн анхан шатны дамжаанд суралцаж, 2013 онд Хөвсгөл аймаг дахь Цагдаагийн газарт эргүүлийн цагдаагаар томилогдон ажил хөдөлмөрийн гараагаа эхэлсэн.
-2019-2020 онд мөн газарт эрүүлжүүлэх, саатуулах байрны харуулын цагдаа
-2020-2022 онд мөн газарт эргүүлийн цагдаагаар ажиллаж байх хугацаандаа 2018-2021онд Дотоод хэргийн их сургуульд суралцаж “Цагдаагийн ажил-эрх зүйч” мэргэжил эзэмшсэн.
-2022 оны 04 дүгээр сарын 06-ны өдөр Рашаант сум дахь хэсгийн төлөөлөгчөөр томилогдон, 2022 оны 07 дугаар сарын 06-ны өдөр цагдаагийн дэслэгч цол олгогдсон.
Түүний шударга, хөдөлмөрч, хүнлэг сайхан зан чанарууд байгууллага хамт олон, мөр зэрэгцэн ажиллаж байсан журмын нөхөд бидний сэтгэл зүрхэнд үүрд дурсагдан үлдэх болно.
Талийгаачийн аав ээж, хань, үр хүүхэд, төрөл төрөгсөд, анд нөхдөд нь гүн эмгэнэл илэрхийлье.
ХӨВСГӨЛ АЙМАГ ДАХЬ ЦАГДААГИЙН ГАЗАР