ЭМГЭНЭЛ

ЭМГЭНЭЛ
Монгол улсын начин Цанжидын Энхжаргал
Монгол улсын начин Ц.Энхжаргал мөнх тэнгэрийн орноо оджээ. Тэрбээр Говь-Алтай аймгийн Баян-Уул суманд 1964 оны луу жилд Цанжидын ууган хүү болон төрсөн. Цагдаагийн академийг 1994 онд төгссөн, хуульч мэргэжилтэй. Мэргэжлээрээ олон жил цагдаа, хүчний байгууллагад ажилласан байна.
Ц. Энхжаргал нь хоёр талын бөхийн удамтай бөгөөд бага залуу наснаасаа үндэсний бөхөөр хичээллэж, 1989 онд Говь-Алтай аймагт болсон тойргийн барилдаанд түрүүлж, аймгийн арслан цол авсан бол мөн ондоо Улсын аварга шалгаруулах барилдаанд цолгүй залуу бөхөөр барилдан наймдугаар байрт шалгарчээ. Улмаар 1991 оны улсын баяр наадамд тав даван шөвгөрч, Монгол улсын начин цол хүртжээ.
Тэрээр олон жил “Хүч” нийгэмлэгт тамирчин, бөх байлаа. Жүдо бөхийн спортын мастер цолтой.
Талийгаачийн нөхөрсөг, нийтэч, төлөв шударга зан чанар бид бүхний зүрх сэтгэлд үүрд хоногшин үлдэх болно.
Талийгаачийн гэр бүл, үр хүүхэд, төрөл төрөгсөд, ахан дүүс, найз нөхдөд гүн эмгэнэл илэрхийлье.
МОНГОЛЫН ҮНДЭСНИЙ БӨХИЙН ХОЛБОО