мэдээ
Төрөөд сар болж байгаа хүүгээ өргүүлнэ гэх зарыг хүүгийн ээж өөрөө тавьсан нь шалгалтаар тогтоогджээ

Өчигдөр цахим сүлжээнд нэгэн ээж “Төрөөд сар болж байгаа хүү өргүүлнэ, авах хүн байвал аваарай, тэжээж өсгөхөд бэрх байна” гэх зар байршуулсныг цагдаагийн байгууллагаас шалгаж байна.
Зар байршуулсан эмэгтэй цахим хаягаа алдсан тул өөр хүн тус зарыг байршуулсан гэж цагдаад анх мэдүүлэг өгөөд байсан.
Гэвч шалгалтын явцад 22 настай, эмэгтэй нь нөхөр 26 настай эрэгтэйтэй таарамжгүй харьцаатай байсан тул сэтгэл санааны байдлаасаа шалтгаалж 28 хоногтой хүүгийнхээ зурагтай тухайн постыг нийтэлсэн нь тогтоогдсон байна.
Цагдаагийн байгууллагаас аюулын зэргийн үнэлгээг хийн эх, хүүхдийг түр хамгаалах байранд аваад байна.