Завханы Алдархаанаас Хүннүгийн үеийн алтан тоногтой модон авс олджээ

Завхан аймгийн Алдархаан сумын “Ямаан ус” гэдэг газраас Хүннүгийн үеийн язгууртны алтан тоногтой модон австай булш олджээ. Тодруулбал малтлага хийж найман метрийн гүнээс язгууртны модон авсыг олсон аж. Мөн үүнээс гадна шавар ваар, хүрэл сав, хаш толь, амьтны яс зэрэг олдворууд олдоод байгаа юм байна.

Тухайн үеийн уламжлалын дагуу алтан тоногтой модон авсны дээр сүйх тэрэгний дугуй байрлуулсан байсан байжээ. Уг ажлыг ШҮТИС-ийн багш, доктор, “Ямаан ус” төслийн архелогийн судалгааны багийн ахлагч Л.Хатанбаатар тэргүүтэй залуус тавь гаруй хоног хийсэн малтлагын үр дүн энэ билээ. Авсны хээ чимэглэлийн хувьд Хүннүгийн үеийн язгууртны булштай яв цав таарч байгаа юм байна. Мөн цээжин хэсгийг нь тоносон гурван дагуул булш одоогоор олдоод байгаа юм.

Энэ мэдээнд өгөх таны үнэлгээ