25 насандаа нөхрийгөө бөх үзэх ч найзгүй болгож чадсан тэнэг хүүхэндээ би ..

Ухаарал хайрласан сайхан грүүпийг олж орж ирсэн цагаасаа их л юм бодлоо. Өнгөрсөн цаг дээрх өөрийгөө ч их дүгнэлээ, чамлалаа бас хайрлалаа. 15 жилийн өмнө сүйт бүсгүй болж гэрлэх ёслолын ордны шатаар хамгийн үзэсгэлэнтэй сүйт бүсгүй болон бууж явсан бол 5 жилийн өмнө шү үхи йн танхимын хаалгаар ганц биe ээж болоод бууж явсан цаг саяхан.
Тааварлашгүй шүү . Нэг өдөр ну лим саа гартал инээж хөхөрч аз жаргалдаа умбаж байсан бол нөгөө өдөр уйлах нулимс ч дуслах тэнхэлгүй цөхөрсөн байх. 20хон нас минь чи даанч омголон байж. Даанч тэнэгхэн байж. Хуримын ордонд цагаан даашинз өмсөхгүй л бол чамтай суухгүй гэж бардамнаж, хатуурхаж, эрхэлж байж тэр ордондоо орсон. Хатан сүйхээ хуруундаа зүүгээд айлын гэргий болсон цаг минь дэндүү гэнэн хонгор цагаахан байж дээ.
Амьдралын гол дүр л гэж боддог байлаа өөрийгөө. Буулт хийх бол эр хүний хийх ёстой үүрэг хариуцлага, инээлгэж байх бас л эр хүний даах даваа гэж санадаг омголон эхнэр байж. Үр хүүхдийн тээгээд төрүүлээд өгж байхад илүү зүйл хүсэх хэрэггүй зүгээр л хайрла гэж сэтгэл зүйгээрээ дүрэм тогтоосон байлаа. Тийм ч байлгадаг байсан.
Гэтэл үр хүүхдийн төрүүлээд өгж байхад гэж боддог байсан тэр бодлоосоо хожим ичих шиг л болсон. Миний ч гэсэн үр хүүхэд. Би өөрийнхөө үргэлжлэлийг бэлдсэн шүү дээ гэж бодож байсангүй. Нөхөртөө я л үүрүүлсэн мэт л би хүүхдийг ч гаргаад төрүүлээд өглөө гэж омогшино. Хүссэн зүйлээ авч өмсөж идэж хүртэж чадахгүй байгаа буруугаа зөвхөн нөхөртөө л хүлээлгэдэг байлаа.
Нэг удаа ядаж миний хань чи юу мөрөөддөг вэ? Чи яаж амьдрамаар байна яавал чи амжилтанд хүрэх вэ? Гэж өөдөөс нь хараад гарнаас нь атгаж байгаад асууж байсангүй. Бусдын амьдралыг харьцуулж нөхрийгөө тэдэнтэй жишиж чи болохгүй байна, чи арайч дээ , чи нээрээ гэсэн үгээр л идэж хэмэлдэг байж. Хоол хийгээд хувцасын угааснаараа эхнэр байдаггүй юм байна гэдгийг даан ч оройтож ойлгосон доо.
Гэдэс цатгалан, бүтэн хувцастай явхаас илүү сэтгэл бүтэн, дүүрэн зүрх халуун байлгах ёстой байж дээ гэдгээ ганцаараа хоносон олон шөнүүд надад өөрөө ойлгуулсан. Яг л ойворгон ширүүн өмнөх амьдралд минь , миний 20 насанд 25 насанд ганц биe болохын өмнөх 29хэн насанд минь яг ийм грүүп шиг амьдралыг нүдэн дээр шивнэж чадсан ном, зохиол хэн нэгэн байсан ч болоосой доо.
Миний 25 нас минь. Эргээд харахад боловсорч гүйцсэн ухаажсан байх ёстой 25 нас минь чи тэр үeд л ааан гээд ганцхан удаа арай өөрөөр сэтгэсэн бол оройтохгүй байсан шүү. 25 нас минь чамд би гомдохгүй ээ. Чи надад 2 дахь үрийг минь тэврүүлсэн .
Ажилдаа ахиц дэвшил байхгүй санхүүгийн хараат байлгаж байгаа нөхөртөө гомдож дуугаа хураасан , гомдсон,туньсан 25 нас минь . Чи гомдолоо түр мартаад нөхөртөө ганцхан удаа ташуур болоод багана нь болоод тулахаа мэдэхгүй чeмоданаа чирээд төрсөн гэртээ хойноос ирэх нь тодорхой гээд хаалгаа гаднаас хаагаад явж одож байсан.
Миний 25 нас минь ээ. Чи хаалганы цаана зогсоод хаахаасаа өмнө яагаад эхлүүлснээ ганцхан удаа санах байсан юм шүү. Эр нөхрийгөө хожим нь наадмын бөхөө хамтдаа суугаад үзэх найзгүй болгосон 25 нас минь. Гэхдээ би чамд гомдохгүй ээ. Амьдралд бууж өгөн өөр нэгэн эмэгтэйд нөхрөө зүгээр л бэлэглэхийн өмнөх 29 нас минь.
Чи сэтгэл санаагаар унаж, ганцаардаж байсан хань нөхрөө ганцхан өдөр нялх хүүхэд шиг тойглоод, яг одоо хэн хэрэгтэй байгааг нь ямар үг сонсмоор байгааг нь асуугаад үзэлгүй явсан 29хэн нас минь би бас л чамд гомдоогүй. Амьдралыг хатуурхаж биш аргадаж туулах ёстойг би гэр бүлийн баталгаагаа салгахад зөвшөөрч гарын үсгээ зурж суухдаа сая ойлгосон.
10 жил өөрчилж , дэмжиж, тулж хөрөнгө оруулалт нь болж чадаагүй нөхөрт минь нэгэн ухаалаг бүсгүй тэр бүхнийг хийж өгч богинохон хугацаанд 2 хүүхэдтэй, Гэр бүлээ цуцлуулсан амжилтгүй яваа эр хүнийг орвонгоор нь өөрчилсөн.
Тэр бүсгүйн ухаан миний өнгөрсөнд байсан ч болоосой. Тэр бүсгүйн тайван инээмсэглэл миний хориодхон насанд ирсэн ч болоосой. Нөхрийг минь 2 хүүхдийх нь нүдэнд үлгэрийн баатар шиг харагдуулж чаддаг гайхалтай эмэгтэй, нөхрййн минь эхнэр чамд 20хон насныхаа өмнөөс баярлалаа гэж дамжуулъя.