О.Хангай аваргын дүү О.Тамир: 15 тонн тарвастай ирсэн. Килограммыг нь ….
Жил бүрийн намар Улаанбаатарын хаа нэгтээ аавынхаа тариалсан тарвасыг зарж зогсдог сон, О.Хангай. Энэ дүр зураг намарт л болох ёстой, харах ёстой зүйл минь мэт бодогддог болж.
Энэ жилийн баяр наадамд түрүүлснийх нь дараа түрүү бөхийн гараас тарвас авч идэх гэсэн орон хотынхон маань “О.Хангайн тарвас хэзээ ирэх бол хэмээн чих тавьцгааж байлаа. Харин энэ жил тэрбээр аварга цолныхоо найрыг тэмдэглэхээр тун завгүй буй тул Улаанбаатар руу дүүгээ явуулжээ. Бид түүний дүү О.Тамираас цөөн зүйл тодрууллаа.
-Улаанбаатарт хэзээ, хэчнээн тонн ургацтай ирсэн бэ?
-15 тонн ургацтай ирсэн. Гурав дахь өдрөө борлуулж байна.
-Борлуулалт хэр байна вэ?
-Хүмүүс дээд тал нь 3-4 шуудайгаар нь авч байна. Зарим нь килограммаар нь ч авч байна. Одоогийн байдлаар 7 тонн нь зарагдчихсан. Эхний өдрүүдэд нэг килограммыг нь 3000-аар борлуулж байсан. Өчигдрөөс 2500 болгосон. Дуустал нь энэ үнээ барина аа.
-Хүргэлтээр авах болон очиж авах иргэдэд мэдээлэл өгөөч?
-Ирж авахыг хүссэн хүмүүс Дулааны IV Цахилгаан Станцын төв хаалганы урд ирээрэй. 09.00-21.00 цагийн хооронд зогсоод зарж байх болно. Харин хоёр шуудай болон түүнээс илүүг авах хүмүүс 99959693 руу залгаад хүргүүлж болно. Орой түгжрэл багасахаар би өөрөө хүргээд өгнө өө.
-Одоо эхний ургацаа аваад ирчихсэн байгаа байх. Дараагийн ургац хэзээ ирэх вэ?
-Манайх энэ жил 30 тонн тарвас хураана. 15-ыг нь хураагаад ирсэн. Дараагийн ургац хэзээ ирэх нь тодорхойгүй л байна.
-Тарвасаас өөр жимс байгаа юу?
-Одоо бол тарвас л байна. 200 килограмм амтат гуатай ирсэн. Дуусчихсан. Араас 300 килограмм ирж магадгүй.
-О.Хангай аварга энэ жил өөрөө ирэхгүй байсан уу?
-“Аварга өөрөө ирэх юм уу. Дараа ирэхэд аварга байх болов уу. Байвал зургаа даруулах юм сан” гэсэн хүмүүс их байна. Ирэх сард цолны найр нь болох гээд ажил ихтэй байгаа тул ах ирэхгүй байхаа.
