Вокзалын “төгөлдөр хуурч” Б.Анх-Амгалан хоригджээ

Олон сарын өмнө цахим орчинд вокзал дээр төгөлдөр хуур тоглодог Б.Анх-Амгалангийн бичлэг түгээд байсан юм. Түүнээс хойш манай eguur.mn сайтад “Үрийнхээ нулимсыг үзэхгүй гэж ханьдаа амласандаа хүрч, дахиж архи уухгүй” хэмээн ярилцлага өгч байв. Тус нийтлэлийг энд дарж уншина уу.

Тэгвэл түүнээс хойш хорих ангид хоригдож байгаа аж. Энэ асуудлыг Х.Батмэндээс тодруулахад дараах хариултыг өглөө. Тэрбээр “Гитарчин залууг маань хорьчхоод гаргахгүй юм. Гурван жилийн өмнө өнөөх хатуу идээг зооглож явах үедээ нэг гар утасны асуудалд холбогдсон юм байх.

Хэрэг нь шүүхэд шилжээд байх үед орхиод явчихсан юм билээ. Шүүх хурал болоогүй, хэрэг нь түдгэлзсэн байдалтай хоёр жил болсон боловч сар өмнө хорьсон юм билээ. Үйлдсэн гээд буй хэрэг нь хохирогчгүй хэрэг гээд байгаа юм. Орох оронтой болчих санаатай овоо хөөрхөн хичээж явсан юм сан. Гэтэл барьж хориод сар болчихлоо шүү дээ” гэв.