мэдээ
ФОТО: Дэлхийн шатрын олимпиадаас Монголын шигшээ багийнхан ганзага дүүрэн ирлээ


Энэтхэгийн Ченнай хотод дэлхийн шатрын 44-р олимпиадад амжилттай оролцсон Монголын шигшээ багийн тамирчид өнөөдөр эх орондоо ирлээ.
2022 оны долоодугаар сарын 26-наас наймдугаар сарын 10-ны хооронд зохион байгуулсан энэ тэмцээнд манай улсын эрэгтэй багийнхан дэлхийн 187 орны 188 багаас 35-р байр эзэлсэн бол эмэгтэй шигшээ багийнхан 160 орны 162 багаас 15 дугаар байрыг эзэлж, Монголын шатрын түүхэн дэх хамгийн өндөр амжилт үзүүллээ.
Монголын шатрын холбооны ерөнхийлөгч Э.Гурванбаатараар ахлуулсан С.Ган-од дасгалжуулагчтай эрэгтэй шигшээ баг, Ц.Батсайхан дасгалжуулагчтай эмэгтэй шигшээ багийнхнаа Хөшигийн хөндий дэх “Чингис хаан” нисэх буудалд Монголын шатарчид болон тамирчдын ар гэрийнхэн баяр хөөртэй угтав.









