Сэтгүүлч Б.Отгон: Чадахгүй шүү! Хулгaйчууд aa

Чадахгүй шүү! Хулгaйчууд aa Үнэн үг хэлсэн хүнд хүн өшөөтэй гэж энэ дээ!!! Хулгaйчууд намайг дарах гэж аргаа барж байна аа.

Пэйжийг минь хакердаж үзлээ, барьж хорих сэжүүр байдаггүй,сүүлдээ ах дүүс, гэр бүлээр минь оролдох юм гэнэ. Миний ах Хөвсгөл аймагт түүхий эдийн бизнес насаараа эрхэлсэн.
Төрд нэг ч өдөр ажиллаж үзээгүй. Малчдын ноос ноолуур, арьс ширийг авсан, өгсөн эхнэр нөхөр хоёрын Хаан банкны дансны мэдээллийг нэгтгээд түүнээ төрөөс авсан тендэр, мөнгө угаасан мэтээр гүтгэжээ.

Малчид голдуу Хаан банкны данс эзэмшинэ. Нэг кг ноолууур авсан,худалдсан мөнгө нэг дансаар хэд эргэлддэгийг түүхий эдийн ченжүүд мэднэ дээ.
Манай ахыг Морго нэрээр нь Хөвсгөлийнхөн ихэнхи нь мэднэ. Өнгөрсөн өвлөөс явуулах гээд чадаагүй гүтгэлгээ видео болгоод, хоолойгоо өөрчилж уншиж энэ тэр.
Үнэн баримт байгаа бол яг над шиг нэрээрээ, нүүрээрээ, өөрийн дуу хоолойгоор илчлээд гаргаад ирээч. Худал гэдэг ийм хүчгүй, өрөвдөлтэй, өөрөө хулгайч аятай нэр нүүрээ нууж далдаас бувтнахыг хэлдэг юм.

Ингэлээ гээд намайг хэзээ ч зогсоож чадахгүй ээ? Том төслүүдийг гацаадаг гэж гүтгэхийг бодоход орд газарт шунасан харийнхантай нийлсэн хулгайчуудын захиалга. Гадныхантай нийлж баялгаа цөлмөхөд нь би саад болж байгаа. Шуналдаа дийлдээд үхлээ юу?
Би ийм юм хийж, яамдаас мөнгө тендэр горьдож явдаг бол сайд дарга нарын булхайг хайр найргүй илчилэх үү?

Надтай үзэх гэж байгаа бол надтай л зууралд. Хаа байсан Хөвсгөлд буй ах дүүс минь ямар хамаа байна вэ?
Татвар төлөгчдийн мөнгөөр цалинжиж суугаа Цахим гэмт хэрэгтэй тэмцэх хэлтсийнхэн ийм хуурамч мэдээлэл бэлтгэж, хүн гүтгэж буй хүмүүсийг олж хариуцлага хүлээлгэ.
Цахим гэмт хэрэгтэй тэмцэнэ гэж татвар төлөгчдийн мөнгөнөөс өчнөөн тэрбумыг авч, газар хэлтэс, албад хүртэл байгуулсан биз дээ.Үүнийг илрүүлж чадахгүй бол татан буугдвал таарна.
Нугачин дарна гэвэл Нугардаггүй төрсөн хүний үр шүү. Гүтгэх тусам улам гялалзана Гүн шөнийн од мэт гэрэлтнэ Cэтгүүлч Б. Отгон 2022.08.11