Хадам аавыгаа тасалдымуу санаатай хотоос ирлээ гээд хамт тамхилж танилцсан хүн найз охины аав болж таарсан даа

Миний амьдралаас ч нэг их аваад байх юм байхгүй л дээ. Би чинь хөглөж хөгөө чирч явдаг төрлийн залуу.
За би гөлийж явж явж нэг удаа айхтар гүн дуралваа. Нэг хошин шогийн продакшний тоглолт үйлдвэрчний эвлэлийн соёлын төв ордонд болсон юм. Хоёр найзтайгаа үзэж суув.

Тэр үед 3-р күрс. Бас өмнө нь үерхэж нтр байгаагүй гэхдээ хүн амьтанд аа чухам хэдэн арван охин сольсон мужик залуу гэж ярьна. Яахав арван жилдээ бол ангийнхаа охинд сайн байсан л даа. Зүгээр сайн чигээрээ байсаар тэр ч гадагшаа сурахаар явж би ч хэлж чадаагүй монголдоо үлдэж байсан юм.

За тэгээд тоглолт үзээд л сууж байв. Гэнэт л үзэгчид тас хийтэл инээгээд л юу юугүй өвөр дээр хорстол нэг гар алгадаад авав. Миний зүүн талд нэг охин сууж байх шиг байсын. Тэр инээд муутай золиг байж л дээ.

Инээдтэй юм гарах бүрт тас хийтэл өвдөг цохиод, хөлөө дэвслээд л инээгээд байх юм. Сүүлдээ юм үзэх ч биш женсин өмдөн дээрээсээ алгадуулах үед үрэлтийн хүч хэр өндөр хүрч, хорсолтын зэрэг хэр байхыг бараг төсөөлчихсөн, яаая дахиж л битгий инээдтэй хэсэг яваасай гэж хүртэл бодож дуусгаж билээ. Нээрээ л хэцүүхэн байсан шүү.

Яагаав дээ нэг тийм хүмүүс байдаг даа. Аймар хүн цохиж нүдэж инээдэг хүмүүс. Тийм л хүний дэргэд сууж таарлаа золиг гэж. Дараа нь өнөөхөө мартчихсан явж байваа. Нэг орой тв 9 телевизээр миний үзсэн тэр хошин шогийн үзэгчдийн гарч ирээд сэтгэгдлээ хэлдэг реклам нь богинохон гараад өнгөрч байнаа. Өө миний үзсэн тоглолт байна ш гэж бодчихоод харж суутал өнөөх өвдөг балбагч охин чинь яг дүрээрээ гараад ирж байна. Аа ёстой таалагдлаа үнэхээр гоё тоглолт болсон байна энээ тэрээ гээд л яриад өнгөрөв.
Хэсэгхэн зуур зүрхэн дундуур нэг сог т уу туулай гүйгээд өнгөрвүү яав хачин болж орхисон.

Хажуунаас нь л хальт харсан болохоор царайг нь сайн анзаараагүй юм билээ. Бүр зогтусмаар хөөрхөн охин байх нь тэр. Бүр яг дуунд гардаг шиг. Би чинь нэг л сонин болчихсон. Арай тэр орой би тэрэнд таалагдаад намайг сонирхоод өвдөг базлаад байсан юм биш байгаадаа ч гэж бодох шиг. Үгүй ээ яав ч биш базлаагүй тас тас хийтэл алгадсан тэгэхээр намайг сонирхох байтугай анзаараагүй. За байз яах уу гэж бодож байгаад дахин тэр рекламыг үзэх үедээ бичлэг хийж авья гэж бодлоо. Дараа жил нь Facebook монголд орж ирсэн юмдаг. Hi5 г хайж үзнэ нэрийг нь л олох хэрэгтэй гэж мэргэн ухаандаа сийрүүлвээ.

Хоёр хоногийн дараа гэртээ ганцаараа байж таараад тв 9 дээр яс тааруулж байгаад тв үзээд суучихав. Эээ дээ гардаг л байхгүй юу. Яг кинон дундуур хошин шогийн реклам гарч өнөөх маань ярьдаг хэсэг ч гарав. Би хэмхэрхий муу s3 аараа ямарч байсан бичээд авав. Одоо дараагийн асуудал бичлэгнээс өөр юмгүй хүн чинь охиноо хэн гэдийг нь яаж олох вэ? Нэг найздаа хэлж үзлээ. Арай гайгү шоолж дооёолоод байхааргүй тайван найздаа хэлэв. Мань нь одоо яах уу гээд. Тэгсэн харваас оюутан охин байна ш дээ. Их сургуулиудаар явж хүүхдүүдээс асууя гэлээ. За больдоо бадмаа гэдэг шиг монголын их сургууль коллежийн дуусгаж барахгүй ш дээ гэж бодсон ч өөр арга үнэхээр олдоогүй юм.

Бид хоёр хамгийн түрүүнд муис орлоо. Хоёр гурав нэгдүгээр байраар орж шууд сургалтын албаны хүнээс нь асууж загн уу лчаад замаараа нэг давхарт хэдэн хүүхдээс асуусан болоод шантарсан юм. Бичлэг үзүүлээд хүн хайна гэдэг бол үлгэр юм билээ шүү. Тэр өвөл тэгсхийгээд өнгөрч би ч утсаа хаялуу зарчихлуу бичлэгч байхгүй болж орхив. Нэг орой яг март 8 маргааш орой юм байна. Богд ар хорооллын тэнд байдаг өглөө болтол ажилдаг баахан паб байсын. Тэнд сууж байваа нэлээн олуулаа. Тэгсэн өнөөх өвдөг алгадалт маань дүрээрээ ороод ирдэг юм даа. Бие хамгаалагч шиг хоёр том биетэй чөлөөтийн бөх шиг охидууд араасаа дагуулчихсан. Би чинь тэнд харсан дороо өндөлзөөд байж суух газраа олж ядаастай.

Хүн хайж байгаа бололтой ийш тийш баахан харчихаад гарахаар эргэхэд нь араас нь дагаад гарчихсан. Хүүе юм асууядаа гээд л санаа зовон хэлээд за тэгээд яах гэж нэр ус нь хэрэгтэй болсоноо хэлвээ. Гайхаад л хөмсгөө атируулаад л итгэхгүй байгаа бололтой. Би хүн амьтан цохиж барьж инээх хүн биш дээ гэж хүртэл хэлсэн. Чи мөөн гээд л гүрийчихлээ. Гайхаж гайхаж өнөөх маань дугаараа өглөө. Азны коля Оройжин мессэжлэвээ. Нэгж мэгж дууссан ч аавын утаснаас нэгж хулг айл аад л бичээд л байлаа. Гэр нь хотод байдаггүй юм байна. Оюутан төгсөх күрс, дотуур байранд амьдардаг бас жүжигчнээр сурч байгаа л гэж байна. За нэг жүжигжин найз охинтой болж байгаан биздээ гээд л дотроо инээд хүрээд л. Тэгж явсаар бид болзож эхлэв.

Яваандаа гэртээ авчирч хоол хийлгүүлэх нэрийдлээр харж сууна тас гөлөрнө. Хааяа нэг оволзтол үнсэлцчихнэ. Та нарын бодож байгаа шиг гэртээ дуудаж авчирчаад, хоол хийлгүүлэх нэрийдлээр том хүний бла бла бол байгаагүй шүү маньд нь. Хаврын шалгалтын үе юмаа. Би чинь Ромео. Гүн дурлалаасаа гараагүй нэр мэрийг нь хүзүүн дээрээ шивүүлчихсэн. Найзууд шоолоод л салбал чи дуусаа хүзүүний арьсаа солиулна бараг гээд л. Найз охин хонхны баяраа хийвээ. Баяр хүргээстэй би чинь даацтайхан бэлэг өгөх санаатай шөнө цагийн ажил хийж 4 хонолуу яалаа тэр мөнгөөрөө маниатан ээмэг бөгж авч өглөө. Удалгүй манай хүн нутаг буцав. Хоёр сар болчоод ирэх байсан юм. Явуулаад л 5 ч хонолгүй санаад болдоггүй ээ. Хойноос нь гараад жийнээ, очноо гэчихсэн.

Ойрхон л доо Сэлэнгэ аймаг. Унаа олоод сумынх нь хүн тээврийн микронд чихэж аваад л очсон. Манай хүн ярихдаа аав маань нэлээн уудаг, дандаа орос ар х и уудаг гэж байсымаа. Тэр нь санагдаад баахан орос а рх и чихэр энээ тэрээ аваад гүйгээд очив. Сумын банкных нь гадаа намайг буулгачихаар нь найз охиныхоо аавыг нэрлээд л тэднийх хаануу гээд л асууж сурсаар олоод очив. Гадаа нь шахуу нэг мотоциклотой ах хүү таарахаар нь ах энэ тэднийх мөнүү л гэлээ. Мөөн гэхээр нь аа за ашгүй гээд л ах нэг та мх илаач гэсэн алтан навчис гаргаад өгч байна. Чи чинь хаанаас яваа хүү вэ гэхээр нь аа готоос готоос, хадам аавыгаа тасалдымуу санаатай готоос ирлээ гээд яагаад ч юм ам халаад бурж орхисон. Гай болж гадаа хамт там хил сан хүн найз охины аав болж таарсан даа.

За хүү минь таслаж яах нь вэ, овоо цор цор гэсэн хүү охинтой маань найзалдаг байх нь гээд л тувтан үг хэлүүлэлгүй шоглочихсон. Тэр оройгоо хэлсэн үгэндээ орооцолдож өөрөө орос ар хи нд тас үсэрч хонож байлаа даа. Сууснуу гэж бодож байна уу. Суучилгүйл яахав дээ. Гэхдээ манай хүн одоо ч хүн цох иж инээдэг хэвээрээ гэхдээ энийгээ огт мэддэггүйн байна лээ ш дээ. Юу хэзээ би чамайг цох исын гээд тас гүрийдэг.
Бид хоёр ихэр хүүтэй болж нэг л өдөр дөрвүүлээ болчихсон. Аль аль талдаа ихрийн удамгүй хүмүүс ёстой гайхдаг л юм билээ. Ихрүүд төрсөнөөс хойш аав ээж хоёроос нь авхуудаад эмээ өвөөгийн паян урссан даа.
Хоёр хүү минь мөнч их инээлгэсэн шүү.

Aав нь ч их онигоонд орсон. Хэрвээ хүмүүс ихэр хүүхэдтэй болсоноос хойших паянг сонсоно гэвэл, сонсох гэж уншина гэвэл бичнээ. Аан тийн би чинь анхны бүхнээ эхнэртээ өгчихсөн хүн шүү дээ. 3-р күрсийн аавын цээж залуу хошин шог зэрэгцэж үзсэн охиндоо дараа нь дурлачихаад, анхны шөнөө үдэхдээ гэрлээ унтраачих аа гэж хэлээд насаараа онигоонд орсон доо. Заза жоохон дэмий юмруу хальтраад орчихлоо.
Энэ хүртэл уншсанд баярлалаа. Эхнэртээ хоёр хүүдээ хайртай гэнэнгээс гэнэн нэгэн ааваас.