Гитарчин Өөжгий: Гавьяа шагналыг хүн өөрөө авдаггүй. Төр гавьяатай гэж үнэлсэн иргэнээ…

Никитон хамтлагийн гитарчин Өлзий-Орших буюу Өөжгийг Монголын хамгийн шилдэг гитарчин гэж нэрийдэх нь бий. Тэрээр твиттерт нэлээдгүй идэвхитэй байдаг нэгэн. Тэгвэл түүнийг гавъяатад нэр дэвшүүлсэн талаар олны танил хүмүүсийн дунд яриа яваад байгаа билээ. Тэрээр өөрөө энэ тухай ингэж нийтэлжээ.

Надад “ГАВЬЯАТ” өгөх талаар Дэлгэрмөрөн дүүгээс эхлээд олон хүн ярьж байгаад баярлалөө.Энэ тал дээр өөрийн бодлоо бичсүү.
Гавьяа шагналыг хүн өөрөө авдаггүй. Төр өгдөг юм.
Тэгэхдээ төр гавьяатай гэж үнэлсэн иргэнээ шагнадаг.

Би өөрийгөө бодохоор байгуулсан гавьяа үнэхээр алгөө.Бацаан байхад гитар сайн тоглодог хөвгүүдэд охид их татагддаг байдлыг анзаарч, өөртөө давуу байдал үүсгэхийн тулд “үхтлээ” бэлтгэл хийж бусдаас арай дөнгүүр болсноос өөр зүйл үгүй.

Тэгээд социализмаас зах зээлийн нийгэм эхэлж, амьдрал ахуй хэцүү болох цаг дор ажил төрөл, сургууль соёл олдоогүй тул амьдрахын эрхээр гитар тоглож өөрийгөө өнөө хүртэл тэжээж яваа нь үнэн.

Хамт тоглодог найз нөхдийн дуу хуур зохиохыг олонтаа харж суухдаа өөрөө ч бас дутахгүй санаатай хэдэн дуу зохиосон тал бий.
Дээр нь өөрийгөө голохгүй хэдэн киноны хөгжим “матарлаж” хаясан түүх бас бий.Яг үнэнээ хэлэхэд мань чинь ноот моот огт мэддэгүй.Нот харахаар цасан дээгүүр гүйсэн шувууны мөрнөөс нээх ялгаатай санагдадгүйэ..Тэгэхээр ийм хүнд шагнал өгөх төр засгийн хувьд ч ичмээр зүйл бөлгөө.Сургууль номонд нь сураад, мэргэжлийнхээ дагуу ажиллаж байгаа уран бүтээлч бол өөр хэрэг. Ядаж Нисванисын Амгаа шиг нот мэддэг хүн тэр шагналыг авсан нь дээр.
Тэгэхээр та нар энэ тал санаа бүү чилээгтүн.Надад хэн ч гавьяат өгөхгүй байх. Би нь өгсөн ч авахгүй.Би чинь Гитарчин Өөжгийшдээ.”хэмээн нийтэлсэн байна.
Тэрээр өнгөрсөн жил бие нь өвдөж, сая мэс заслын хагалгаанд орсон . Тэрээр энэ тухайгаа өөрийн твиттер хуудастаа “Ямар ч байсан амьд үлдлээ. Нөгөө муу цөсний хүүдий нь бүүр идээлцэн явжийсэн бншд. Аваруулж санаа амрав. Баярлалаа Сонгдо” хэмээж байсан билээ.Ингээд түүний сүүлийн үеийн мэдээлэлтэй танилцъя.

Гитарчин Өөжгий дуучин Сараа хоёр нохой жилтэй, нас чацуутнууд. Өөжгий 50 насны босгыг давсан ч, үг яриа, хэл сэтгэлээ одоогийн 25 настнаас ялгарахааргүй. Гитар хөгжим дээрээ уянгалаг ая тоглоод урт үсээ намируулахад Өөжгийд татагддаггүй бүсгүйчүүд байгаагүй гэнэ лээ. Тэр хэрээр олон ч эмэгтэйн зүрхийг шархлуулж явсан биз. Дээрээс нь Өөжгий хошин шогийн мэдрэмжтэй. Дууны үг, ая зохионо. Тэр тусмаа Өөжгий дурлахаараа үг аялгууг бол урсгана. Тиймээс Өөжгийгөөс дуу аваад сурчихсан рок попынхон “Өөжгий дахин дурлаасай” гэж залбирах нь холгүй байдаг.

Гитарчин Өөжгий “Монголын сайхан бүсгүй 1997” тэмцээний тэргүүн байр, алтан эрдэнийн өргөмжлөл титэмтэй мисс Түмэнхүслэнтэй анхны амьдралаа эхэлсэн. Гитарчин залуу, мисс бүсгүй хоёрын хайр дурлал, амьдралын тухай тэр үед бичээгүй сонин ховорхон. Өөжгий мисс Түмэнхүслэнгээс дуулиантай салж, ганц хүүгээ өөр дээрээ авч өсгөсөн. Мисс Түмэнхүслэн герман залуутай гэрлэж, Германд суурьшаад удлаа. Салахдаа угаасаа хэл ам нь “хөгжчихсөн” Өөжгий “Тэр бол Түмэнхүслэн биш, Түмэнхяслан шүү дээ” гэж хэлж байлаа.

Дараа нь мөн л тухайн үеийнхээ алдартай загвар өмсөгч Уранбилэгтэй хэсэгтээ хамт амьдарсан. Энэ үедээ “Номинталст” хамаг хит хайрын дууг зохиосон юм. Энэ үеэс л “Харанга”-ын Лхагваа, Сараа Ариунаа тэргүүтэй дуучид “Өөжгий дурлаасай” гэж залбирах шахуу болсон гэдэг.

Өөжгийд Өвөрмонголын тэргүүн баян Туяа гэдэг бүсгүй дурлаж, хамаг байдгаа барин хөл алдаж байсан үе бий. Тэр хоёрын хайр дурлалын романс удаан үргэлжлээгүй. Ямартаа ч гитарчин Өөжгий Өвөрмонголын тэргүүн баян хатагтай Туяатай болзож байх үедээ дуучин Сэрчмааг мөн Өвөрмонголын толгой баячуудын нэг “Улаан хадны” Баярттай танилцуулж, тэд гэрлэсэн гэдэг. Өөжгий, Сэрчмаа хоёрын “өвөрмонгол” хайр дурлал дуусгавар болж, Өөжгий Чуулгын сайхан бүсгүйчүүдийн нэг бүжигчин Ариунжаргалтай хамт амьдарч эхэлсэн. Бүжигчин Ариунжаргал “Цогт тайж” киноны Арслангийн дүрд тоглосон Цэрэндэндэвийн ач охин. Тиймээс “Өөжгий Арслан тайжийн хүргэн боллоо” гэж хэсэг шууруулсан. Харин одоо Өөжгий бүжигчин Ариунжаргалыг бас нэг миссээр сольсон гэсэн яриа гараад байгаа.

Юутай ч “Чи над шиг дурлаж чадах уу” тоглолтынх нь үеэр нэг мисс бүсгүй арын албанд ажиллаж, Өөжгийгийн хоол унд, хувцас хунарыг нь дөхүүлж, эхнэрийн үүргээ ягштал биелүүлж харагдсан. Тэр бүсгүй нь нас нь 30 хүрээгүй шахуу цэл залуу бүсгүй байна билээ. Тиймээс гитарчин Өөжгийг хүүхний тэнгэртэй гэлцдэг. Ямартаа л “Гитарчин Өөжгий долоон миссээр цайгаа чануулан ууж үзсэн” гэж ил далд ярихав.