Энхболд: Хичээж явдаг зүйлсийг маань ямар ч үнэ цэнэгүй болгож болдог гэдгийг харлаа

Загвар өмсөгч Энхболд сэтгэлийн үгээ нээлээ. “Өнөөдөр үнэхээр урт өдөр байлаа. Хамгаас их бодож, хичээж явдаг зүйлсийг минь ямар ч үнэ цэнэгүй болгож болдог гэдгийг харлаа. Ухаан орохоосоо эхлэн боддог байсан зүйлээ,

бүх сэтгэл зүрх, хичээл зүтгэл, цаг хугацаа, хөрөнгө мөнгө, эрүүл мэндээ зориулж гэр бүлийнхээ төлөө, олон олон залуусдаа зориулж алдаа оноог нь дэнсэлж, боловсрол олгох зорилготой хийж байгаа зүйлийг минь үнэгүйдүүлж болдог гэдгийг харлаа.

Ер нь Монголд хийж бүтээх гэж хичээж байгаа нь адлуулж зүгээр сууж байгаа нь онодог болж дээ. Тэгэхээр чинь энэ улс орон яаж хөгжих билээ. Уг нь Монголдоо байж эх орныхоо хөгжил дэвшилд гар бие оролцох ёстой гэсэн үзэл баримтлалтай байсан бол сүүлийн үед зүгээр л яваад өгмөөр санагддаг болжээ. Харамсалтай.

Ингэлээ гээд бууж өгөх эрх надад, бидэнд байхгүй гэдгийг ухамсарлаж маргааш гэдэг гэгээн өглөөг хүсэл тэмүүлэл дүүрэн эхлүүлээрэй. Энэ танхил бүсгүй бяцхан охин хоёр л намайг хэдэн ч удаа суга татсан ч ургаж байдаг зэрлэг ургамал шиг болгосон байдаг” хэмээн өөрийн хуудсандаа бичжээ.